Përshëndetje Shtator

Shtatori ka 30 ditë dhe sipas kalendarit Gregorian është muaji i nëntë i vitit dhe i pari i vjeshtës.

Me hapjen e shkollave, bie edhe zilja që shënon përfundimin e pushimeve verore dhe jeta i rikthehet ritmeve normale, pavarsisht se koha vazhdon të jetë e ngrohtë. Megjithatë nëse do ti referohemi vjeshtës astronomike që përcaktohet nga boshti i Tokës dhe orbita rreth Diellit, vjeshta zyrtarisht fillon midis datave 22 dhe23 Shtator kur barazohet dita me natën.

Kështu trikot dhe xhaketat e lehta do fillojnë dalëngadalë të shtohen në dollapin tuaj, çantat e shkollës do të zënë vendin e tyre në shpatullat e vogla të fëmijëve dhe shkollat e kopshtet po fillojnë të gumzhijnë nga zërat e nxënësve.

Pak Histori

Emërtimi “ Shtator” ka rrënjë latine dhe vjen nga numri “ septem” (që do të thotë shtatë”) duke qënë se ishte muaji i shtatë në kalendarin e vjetër Romak i cili kishte vetëm 10 muaj.
Me shtimin e Janarit dhe Shkurtit më vonë, Shtatori kaloi në vendin e 9-të por pa e ndryshuar emrin e tij. Kur senati romak propozoi që këtij muaji t’I vendosnin emrin e perandorit romak Tiberius (14-37 p.l.k), ky i fundit nuk pranoi me mendimin se ndryshimet e shpeshta do të shkaktonin konfuzion tek njerëzit. Kështu emri mbeti.
Në Rome gjatë muajit Shtator kishte festime të mëdha dhe organizoheshin lojra në Kapitol si dhe Lojrat Romake (Ludi Romani) në nder të perëndive.
Në 1 Shtator ishte edhe data e pagesës së taksave vjetore nga qytetarët romakë.

Shtator do të thotë përfundim i pushimeve dhe rikthimi në punë e shkollë

Është koha të lani dhe paketoni disa nga rrobat e verës

Kjo është një punë që nuk e shmang dot kështu që bëhu gati. Nëse keni një lavatriçe, dhe tharëse të fundit, nuk është nevoja të stresoheni fare. Ato janë të pajisura me një numër të madh programesh për larje për të gjitha llojet e veshjeve me qëllim që ta bëjnë jetën tuaj më të lehtë. Një makinë larëse me funksione “të zgjuara” do t’ju sugjerojë programin më të mirë të larjes për ju, do të dallojë ngarkesën e rrobave dhe do të rregullojë sasinë e ujit dhe detergjentit duke ju ndihmuar të kurseni. Gjithashtu me programet e larjes së shpejtë ju mund t’I lani të gjitha shumë shpejt dhe të mbaroni punë brenda një ditë. Ishte shumë e thjeshtë apo jo?

Po pluhurat?

Me dyert dhe dritaret hapur shumicën e kohës pluhuri ka hyrë në çdo cep të shtëpisë prandaj është i nevojshëm një pastrim i thellë. Ne ju këshillojmë që të filloni njëherë me sipërfaqet që janë në lartësi si llampat e raftet e sipërme e më pas të vazhdoni me tavolinat, mobiljet, pasqyrat e dritaret, deri sa të arrini tek dyshemeja.

Një fshesë me korent stick si Bosch apo Dyson do t’ju ndihmojnë që të eleminoni pluhurin nga të gjitha sipërfaqet. Ato janë të pajisura me aksesorë të cilat janë të përshtatshme për pikat e larta por jo vetëm. Përdorini zgjatimet e fshesës tuaj për të larguar pluhurin edhe nga tavanet apo cepat pa patur frikë se do të keni tështima apo alergji.

Ajo që do duhej më pas për një pastrim higjenizues do ishte një fshesë me avull. Kjo do të eleminonte alergjenët nga dyshekët, jastëkët, perdet dhe mobiljet e tjera me copë.

Lan dhe pastron pa mundim

Një fshesë me korent ka një sërë kompnentësh që do t’ju ndihmojnë në punën tuaj pa shumë mundim dhe pa shpenzuar shumë kohë. Me anë të kokave speciale ju mund të pastroni çdo cep të dhomës apo mobiljeve tuaja. Dhe nëse keni një fshesë robot ju mund të pastroni shtëpinë tuaj pa u ngritur fare nga divani ose edhe pa qënë fare në shtëpi pasi me fshesat inteligjente ju mund ta aktivizoni atë edhe nga aplikacioni në telefonin tuaj.

Rifreskoni ajrin në shtëpi

Alergjenët dhe polenat që mund të hyjnë në shtëpinë tuaj janë një çështje tjetër që duhet të zgjidhni. Kështu nëse ju doni të eleminoni çdo grimcë të dëmshme si dhe të keni një shtëpi pa aroma, zgjidhja është një pastrues ajri. Duke patur një të tillë në shtëpi ju eleminoni në mënyrë efektive, pluhurin, aromat si dhe mikroorganizma si baktere, viruse si dhe pushin e kafshëve.