BMW ka bërë një makinë që ndryshon ngjyrat… po, vërtet
E zezë, pastaj e bardhë, pastaj përsëri e zezë
Është dicka që do të prisnit ta shihnit në një film të James Bond, por BMW ka bërë një makinë që ndryshon ngjyrat që në fakt funksionon në jetën reale.
Duke debutuar në CES 2022, BMW iX e personalizuar, plotësisht elektrike ka panele të përbëra nga ekranet E Ink - e njëjta teknologji që gjendet në ekranin e një lexuesi Kindle - në një sistem që quhet "iX Flow".
Pasi panelet E Ink vendosen në makinë, ato vishen me një shtresë të veçantë për t'i ndihmuar në mbrojtjen e tyre nga elementë të ndryshëm.
Në demonstrimin virtual që treguan, BMW iX e modifikuar kaloi nga ngjyra e bardhë, në e zezë dhe përsëri në të bardhë e cila ishte një shfaqje bindëse.
Ndërkohë që gjatë demonstrimit ndryshohej vetëm ngjyra e automjetit midis të zezës dhe të bardhës, BMW thotë se ngjyra të tjera janë të mundshme - duke hapur mundësinë e një larmie të vërtetë për konsumatorët në të ardhmen.
Dhe implementimet e ardhshme të kësaj teknologjie nuk do të kufizohen vetëm në ndryshimet e ngjyrave të karrocerisë.
BMW shpjegoi se teknologjia mund të përdoret në zona specifike të një makine - të tilla si maskarino, për t'i dhënë asaj pamje të ndryshme, apo edhe në targa (edhe pse këtu do të kishte kufizime të shumta ligjore).
Ka edhe më shumë - si në një lexues, me këtë teknologji mund ta bëni makinën tuaj të shfaqë informacione (në imazhe dhe tekst) në pjesën e jashtme të saj, si psh. statusi i karikimit, i cili do të ishte një veçori e dobishme për pronarët e automjeteve elektrike.
Pra, funksionon, por a është realiste?
Panelet E Ink janë të mirënjohura në industrinë e teknologjisë dhe ndërkohë që ato lidhen më së shumti me lexuesit elektronikë, ato janë shfaqur gjithashtu në aksesorë si byrzylyket, orat smart, telefona inteligjentë, tabletë dhe më shumë.
Një produkt shumë i gjithanshëm dhe fleksibël, E Ink mund të pritet në forma të ndryshme dhe të hapet me vrima, gjë që e bën atë ideal kur bëhet fjalë për mbulimin e këndeve të ndryshme të një makine.
Panelet strehojnë një tufë kapsulash transparente me pigmente ngjyrash në to, dhe kur një rrymë kalon nëpër të, disa ngjyra mund të thirren në sipërfaqe. Kjo mund të tingëllojë si diçka që është potencialisht intensive, por nuk është ashtu.
Në fakt, vetëm një sasi shumë e vogël energjie kërkohet për të bërë ndërrimin e ngjyrave dhe nuk kërkohet aspak energji shtesë për të mbajtur një ngjyrë të fiksuar në vend. Kjo do të thotë se sistemi ka konsum shumë të ulët të energjisë, gjë që duhet të zbusë çdo frikë në lidhje me funksionin që shkarkon baterinë EV dhe pengon autonominë e makinës.
Pra, a do të shohim vërtet diçka të tillë në një automjet të disponueshëm për publikun e gjerë? BMW sigurisht që nuk e përjashton atë, duke vënë në dukje se indikacionet e hershme për teknologjinë janë pozitive.
BMW beson se është e mundur pasi E Ink nuk është një material aq kompleks - dhe as i shtrenjtë për sa i përket çmimit.