SI MUND TË KURSESH PARA DUKE ZGJEDHUR OPSIONET E DUHURA NË TELEKOMANDËN E KONDICIONERIT

Pajisja jonë e preferuar gjatë muajve të verës është padyshim kondicioneri. Pak nga pak temperaturat po rriten dhe kerkesa per kondicioner rritet, e bashkë me të edhe meraku ynë për rritjen e faturës së energjisë elektrike.
Në mënyrë që ta shfrytëzoni sic duhet kondicionerin tuaj, po ju tregojmë më poshtë disa këshilla që të arrini freskinë që doni në stinën e verës me konsumin më të ulët të energjisë.

Zgjidh temperaturën e duhur

Një nga gabimet më të zakonshme që bëhet nga përdoruesit e kondicionerit është rregullimi i temperaturës. Shumica besojnë se sa më e ulët temperatura e zgjedhur aq më shpejtë do të ftohet dhoma. Ndërkohë që principi bazik dhe që duhet të ndiqni gjithmonë është që të zgjidhet gjithmonë temperatura e dëshiruar e dhomës. Temperatura e përshtatshme do të ishte midis 20-27 gradë Celsius dhe diferenca me temperaturën e ambjentit jashtë nuk duhet të jetë më shumë se 10 gradë. Për shembull në verë, kur temperatura e jashtme është 37 gradë celcius, temperatura e vendosur në kondicionerin tuaj duhet të jetë 27 o C në mënyrë që njësia e jashtme të mos sforcohet nga presioni i lartë. Ajo që duhet të synoni është të arrini një ambjent të freskët të këndshëm për të qëndruar lirshëm dhe jo të nxirrni batanijet.

Rregullimi korrekt i temperaturës do të lejojë që njerëzit brenda hapësirës të lëvizin në rehati dhe nëse zgjidhni temperatura ekstreme kjo do të thotë që pajisja do të punojë në mënyrë të pandërprerë duke u përpjekur ti arrijë temperaturat gjë që do të cojë në konsum më të lartë të energjisë elektrike. Nga ana tjetër nëse temperatura e zgjedhur është e pranueshme atëherë pajijsa mund ta arrijë lehtësisht temperaturën që ju kerkoni duke vendosur në punë vetëm njësinë e brendshme. Duke kursyer në maksimum energjinë elektrike.

Rregulloni rrymën e ajrit

Modelet e fundit të kondicionerëve nga markat tona të njohura kanë opsione të avancuara që rregullojnë automatikisht rrymën e ajrit. Kështu këto pajisje arrijnë të dallojnë prezencat e rrymave te ajrit në dhomë dhe e drejtojnë ajrin aty ku ju jeni. Ose kur ajri është i ftohtë ato dallojnë prezencat e këtyre rrymave dhe e dërgojnë ajrin në anë të kundërt. Me anë të këtij funksioni ju nuk do duhet të ndizni dhe fikni kondicionerin sa herë që hyni ose dilni nga dhoma pasi kjo pajisje inteligjente fiket vetë kur nuk dallon lëvizje në dhomë si dhe ndizet kur ka lëvizje. Në këtë mënyrë arrihet edhe objektivi juaj për të kursyer energji.

Modaliteti i gjumit

Me funksionin e gjumit në modelet më premium të kondicionerëve, nuk do të jetë më e nevojshme që të lini kondicionerin ndezur gjithë natën. Nëse e aktivizoni këtë funksion para se të flini, pajisja juaj do të mbajë një temperturë ideale të balancuar midis asaj të jashtme dhe të brendshme duke krijuar kushtet e duhuara për një gjumë të rehatshëm me kursimin maksimal të energjisë.

Lidhja Wi-Fi

Një nga tiparet më inovative të modeleve të fundit është edhe lidhja WI-FI. Ju mund të ndizni kondicionerin tuaj para se të shkoni në shtëpi apo zyrë duke lejuar që rregullimi i temperaturës të bëhet sa më i njëtrajtshëm duke ulur kështu konsumin e energjisë dhe koston e faturës.
Tashmë kondicionerët janë integruar në jetën tonë të përditshme si një pajisje e domosdoshme dhe nëse do të përdoreshin të gjitha mundësitë që ata ofrojnë mund të arrini temperaturat ideale me konsumin me te ulët të energjisë elektrike dhe me kursimin më të madh.

Klikoni këtu për të parë modelet e kondicionerëve që ofrojmë në Neptun