MOBILE WORLD CONGRESS 2022
Mobile World Congress apo thjesht MWC është një ndër eventet më të mëdha të teknologjisë në botë. Ky event mbahet çdo vit në muajin Shkurt në Barcelonë. Ndryshe nga eventet e tjera të mëdha siç janë CES në Las Vegas apo IFA në Berlin, MWC është veçanërisht i dedikuar për inovacionet në fushën e mobile. Në këtë mënyrë shumë brande kanë avantazhin për të prezantuar në këtë event produktet e tyre më të fundit dhe shërbimet më inovatore.
Në këtë artikull do te mund të gjeni detajet më atraktive që vijnë nga ky event.
Që prej vitit 2019, si pasojë e pandemisë ky event nuk ishte organizuar me pjesëmarrje fizike të kompanive dhe të ftuarve. Por, mund të themi që është rikthyer me një zhurmë të madhe këtë vit me pjesëmarrjen e gjigandëve të kesaj kategorie si Samsung, OnePlus, Xiaomi e të tjerë nga ku të gjithë presim të sjellin sa më shumë risi.
Të flasim pak se cilat janë disa nga risitë më të mëdha të prezantuara në këtë event.
Samsung, në më pak se një muaj pas lançimit të Samsung Galaxy S22 në një event të dedikuar Galaxy Unpacked, Samsung rikthehet me laptop të rinj për t’u prezantuar në javën e Mobile World Congress. Specifikisht, Galaxy Book 2 Pro dhe Galaxy Book 2 Pro 360 duket të kenë përmirësuar webkamerën me një rezolucion më të mirë dhe me një fushëpamje më të gjerë. Përveç kësaj, Samsung po kërkon të rrisë sigurinë si dhe ndërveprueshmërinë me pajisjet e veta.
Poco sjell modele të reja të kategorisë së mesme.Në vend që të prezantonte gamën e Xiaomi 12 në Perëndim, marka kineze zgjodhi të prezantojë dy telefona të rangut të mesëm nga marka e saj Poco. Poco X4 Pro 5G dhe Poco M4 Pro duken si pajisje të mira, por si gjithmonë, ato nuk do të dalin në Amerikën e Veriut.
Huawei përdori Mobile World Congress 2022 për të zbuluar MateBook Paper, i cili është një produkt 2 në 1, lexues elektronikë i librave dhe një fletore. Ai gjithashtu prezantoi MateBook E - një produkt 2-në-1 me një ekran OLED dhe MateBook X Pro - një laptop me kornizë super të hollë dhe një kamerë në vendin e duhur këtë herë.
OnePlus paramajmeroj lançimin e një karikuesi 150 W.Ndërsa simotra e brandit Realme paralajmëroj "karikuesin më të shpejtë të telefonit" në eventin e MWC, OnePlus shfaqi një karikues 150 W, me paralajmërimin se aksesori do të jetë i disponueshëm vetëm në tremujorin e dytë të vitit. A do të arrijë aq shpejt sa për të rrëmbyer bujën e Realme?
MediaTek zbuloi Dimensity 8100 dhe 8000, hardware-ët e rinj për pajisjet e ardhshme celulare. Ka një konfigurim 5 nm dhe ofron mbështetje për të gjitha veçoritë më të fundit, por nuk ka mbështetje mmWave, kështu që nuk është 5G i plotë global.
Lenovo nuk mori pjesë fizikisht në MWC 2022, megjithëse bëri një ngjarje virtuale ku njoftoi një bollëk pajisjesh. Midis këtyre pajisjeve ishin Lenovo Tab M10 Plus 3rd Gen, që ofron më shumë ekran në një tabletë buxhetore, dhe Lenovo IdeaPad Gaming 3 dhe 3i, të cilët janë laptopë lojrash që synojnë tregun e nivelit fillestar.Njoftimet e tjera përfshijnë ThinkPad X13s Gen 1, IdeaPad Flex 5i dhe 3i Chromebook dhe IdeaPad Duet 3 Chromebook.
Oppo njoftoi serinë Find X5 në krye të MWC 2022, së bashku me kufjet Enco X2. Find X5 Lite, Find X5 dhe Find X5 Pro u njoftuan të gjitha më 24 shkurt. Megjithatë, kompania shfaqi teknologjinë e saj të karikimit të flash-it 240 W gjatë MEC, duke marrë një bateri 4500 mAh nga e sheshtë në të plotë në 9 minuta. Një tjetër element i rëndësishëm në këtë event është dhe prezantimi i Chromebooks më të mirë për vitin 2022, të cilët janë fantastik dhe alternativa të përballueshme të Windows PCs apo MacBooks.Ajo që mund të vini re kur kërkoni për to, është që emrat e tyre kanë nje ngjashmëri shumë të madhe dhe kjo e bën më të vështire gjetjen e produktit që ju duhet.Për t’ju ardhur në ndihmë po ju japim disa nga versionet më të mira.Samsung Galaxy Chromebook 2 është në përgjithësi Chromebook më i mirë për disa arsye. I hollë dhe i lehtë, zgjat për tetë orë me një karikim të vetëm të baterisë, dhe sigurisht me një ekran QLED. Nëse duam një produkt por kemi një buxhet më të kufizuar, zgjidhja është Samsung Chromebook 4. Ai ofron një kapak metalik premium, performancë të shpejtë nga procesori i tij Celeron dhe jetëgjatësi të baterisë mbi 9 orë, me një dizajn 2-në-1, plus një portë HDMI për lidhjen e Chromebook në një televizor. Këto ishin disa nga përditësimet kryesore dhe fakte interesante mbi risitë që kompanitë lider në kategorinë e Mobile dhe jo vetëm do të lançojnë.
