Teknologjia e fundit e Dyson premton kalimin nga flokë të lagur në të drejtë në vetëm disa minuta

Publikuar: 16 Maj 2023/ Airstraight është ndryshe nga çdo gjë në treg sot

Në vitin 2016, Dyson bëri një kthesë të papritur në fushën e kujdesit të flokëve. Tharësja e flokëve Supersonike mund të mos kishte një lançim të dukshëm për një markë të njohur për pastrimin dhe teknologjinë e shtëpisë, por çdo dyshues iu provua shpejt gabimi: makina e fuqishme me motor dhe pa furçë ringjalli arenën e fjetur të stilimit të flokëve dhe tani është një element kryesor në të dy sallone dhe shtëpi në mbarë botën.

Që atëherë, marka ka lançuar Corrale, një rregullues flokësh me pllakë përkulëse si dhe produktin që prodhoi një mijë imitime: multi-stiluesin Airwrap, i cili krijon kaçurrela si të sallonit dhe volum të madh pa nxehtësi të tepërt.

Sinqerisht, ne menduam se marka kishte realizuar çdo pritshmëro me ofertën e saj aktuale të produkteve - por lajmet për një lançim të ardhshëm zgjuan interesin tonë. Javën e kaluar, Dyson zbuloi produktin e katërt për t'iu bashkuar linjës së tij të kujdesit të flokëve, dhe është ai që kushdo që i mban flokët e drejtë dhe të butë do të dëshirojë të dijë më shumë.

Airstrait është një stilues -nga të lagësht në të drejtë- që zvogëlon përpjekjet dhe dëmtimet që sjell rutina e tharjes së flokëve dhe e rregullimit. Sipas Dyson, ajo shtrin dhe drejton çdo lloj floku për të krijuar një stil të lëmuar pa dëmtuar fibrat e flokut.

Si funksionion? Airstrait duket si një drejtues flokësh klasik, por funksionon në një mënyrë krejtësisht të ndryshme. Ashtu si Airwrap para tij, Airstrait përdor rrjedhjen e ajrit jashtëzakonisht të përqendruar, me shpejtësi të lartë, të ndarë përgjatë dy krahëve, ku kap dhe drejton flokët poshtë, duke i tharë dhe duke i vendosur në një stil krejtësisht të drejtë. Në thelb, fluksi i ajrit zëvendëson nxehtësinë e nevojshme për të ndryshuar strukturën natyrale të një fije floku, që do të thotë se ju merrni të njëjtat rezultate pa dëmtimin e lidhur me nxehtësinë. Flokët janë natyrshëm më të dobët dhe më të ndjeshëm ndaj stilimit kur janë të lagur, dhe kjo gjë rrit efektivitetin.

Ekzistojnë dy shpejtësi dhe tre gradime të nxehtësisë në dispozicion, me më të lartën të kufizuar në 140 gradë – 40 gradë më e ftohtë se shumica e rregulluesve tradicionalë të drejtimit të flokëve.

“Të kesh një kuptim të fortë se si të ndryshosh dhe realizosh potencialin e rrjedhës së fuqishme të ajrit është thelbësore për performancën e drejtuesit të flokëve Dyson Airstrait. Kjo ekspertizë, të cilën e kemi fituar gjatë 25 viteve të fundit, na ka mundësuar që të prodhojmë drejtuesin tonë të parë -të lagësht në të thatë- të flokëve, pa pllakë të nxehtë dhe pa dëmtime nga nxehtësia." - tha themeluesi dhe inxhinieri kryesor James Dyson.

Pra, flokët e shndërruar nga -të lagura në të drejta- në kohën që ju duhet për të kryer një tharje klasike? Po, me të vërtetë që mund të ndodhë! Marka po e cilëson Airstrait si një mjet për të gjitha llojet e flokëve – dhe në të vërtetë, ne e kemi parë atë të funksionojë në çdo gjë, nga flokët e hollë e të drejtë deri tek struktura e ngushtë. Sigurisht, rezultatet ndryshojnë në varësi të strukturës suaj natyrale: fijet më të holla dhe kaçurrelat e tipit 2 do të përfundojnë shpejt në të drejta dhe me shkëlqim, ndërsa kaçurrelat 3 e lart do të jenë më të lëmuara, por jo totalisht të drejta.

E vetmja anë negative? Ne jemi ende duke pritur për një datë të lançimit - por duke marrë parasysh zhurmën që tashmë po krijohet për nisjen, nuk mund ta imagjinojmë se do të zgjasë gjatë.