A keni dëgjuar për sindromën e "Computer Vision"? Ja çfarë është!

A keni dëgjuar për sindromën e “Computer vision”? Ja çfarë është!

Ky shqetësim të cilin mund ta keni dëgjuar ndryshe edhe si sforcim digjital të syrit, përshkruan probleme te ndyshme që lidhen me syrin dhe shikimin qe vijnë si rezultat i ekspozimit për një kohë të gjatë ndaj komjuterit, tabletit, apo celularëve.

Shumë individë shfaqin probleme kur qëndrojnë për një kohë të gjatë para ekraneve dhe shqetësimet rriten sa më shumë kundrejt kohës së ekspozimit. Nga studimet, është zbuluar se mesatarisht një punonjës zyre qëndron 7 orë në ditë para ekraneve digjitale.

KËSHILLË: për të ndihmuar në reduktimin e sforcimit të syrit nga pajisjet digjitale ju mund të ndiqni rregullin e 20-20-20; që do të thotë 20 sekonda pushim, për të vështruar një pikë 20 metra larg, çdo 20 minuta.

Shkaqet dhe faktorët e rrezikut

Kur jemi para një ekrani digjital, sytë tanë sforcohen dhe kjo i bën ata më të ndjeshëm ndaj zhvillimit të simptomave që lidhen me problemet e shikimit. Kjo është edhe më e rëndë për personat që kanë probleme të hershme me shikimin. Të lexosh në një ekran kompjuteri apo celulari ka një tjetër impakt për syrin se sa të lexosh një tekst të printuar, kjo sepse shpesh shkronjat në ekran nuk janë aq të sakta dhe të mirë definuara, kontrasti mes shkronjave dhe sfondit është më i ulët dhe prezenca e dritës dhe reflektimi i saj e bën shikimin më të vështirë.

Gjithashtu puna në kompjuter kërkon një qëndrim të caktuar shumë të ndryshëm nga ai i zakonshmi kur lexojmë një libër apo kur shkruajmë. Si rezultat fokusimi apo lëvizjet e syrit për të parë në një ekran digjital mund të kërkojë më shumë sforco për sytë. Nëse ju mbani syze optike, problemet që lidhen me sforcimin e syrit mund të jenë edhe më të mëdha pasi syzet tuaja mund të mos jenë të përforcuara me elementet e duhur për të vështruar ekranet digjitale dhe si pasojë mund ta gjeni veten duke u përkulur, kthyer kokën apo duke u afruar tek erkani për të parë më mirë. Qëndrimi jo i rregullt gjithashtu mund të shkaktojë probleme me muskujt, qafën, shpatullat dhe mesin.

Simptomat

Simptomat më të zakonshme që lidhen me sforcimin digjital të syrit janë:

Sy të lodhur, dhimbje koke, shikim i mjegullt, sy të thatë, dhimbje të qafës dhe shpatullave.

Këto simptoma mund të shkaktohen nga:

Ndriçimi i dobët, shikim i përqendruar tek një ekran digjital, shikimi në një distancë jo të rekomandueshme (shumë afër ose shumë larg), qëndrimi i gabuar para ekranit etj.

Shumë nga simptomat e të parit të cilat shfaqen tek përdoruesit mund të jenë të përkohëshme dhe ato reduktohen në rastet kur puna në kompjuter apo përdorimi i ekraneve digjitale ndërpritet. Megjithatë tek disa individë, disa nga këto simptoma mund të vazhdojnë edhe pas ndalimit të ekspozimit si përshembull dobësimi i shikimit në distanca të largëta.

Trajtimi

Zgjidhjet për problemet që lidhen me ekspozimin e syrit ndaj ekraneve digjitale janë të ndryshme. Megjithatë, ato mund të lehtësohen duke kryer vizita të rregullta tek okulisti dhe duke ndryshuar pozicionin e qëndrimit si dhe të parit të ekranit qoftë ai i kompjuterit apo mobile.

Në disa raste, individët që nuk kanë nevojë për syze optike në përditshmëri, mund të përdorin syze që janë posaçrisht për qëndrimin para ekraneve që parandalojnë dëmtimin e syrit. Në rastet e personave që mbajnë syze optike mund të kontrollojnë që xhamat që ata përdorin të kenë edhe elementët e duhur që lehtësojnë shikimin në ekrane digjitale duke mos e dëmtuar syrin dhe rrjedhimisht shikimin.