Si ta mbani blenderin tuaj gjithmonë në formë shkëlqyer!

Nëse tashmë keni një blender, ose po mendoni të blini një, është e rëndësishme të dini se si ta përdorni atë siç duhet. Kjo do t'ju ndihmojë të shmangni dëmtimin. Kështu, do të jeni të sigurt që pajisja juaj do t'ju "shoqërojë" për shumë vite, për të siguruar për trupin tuaj mënyrën më të shijshme të marrjes së vitaminave, mikroelementeve dhe mineraleve të vlefshme që përmbahen në fruta dhe perime.

Më poshtë do të gjeni pesë këshilla që do ta mbajnë blenderin tuaj si të ri, edhe pas përdorimeve të panumërta. 

"Ndal" përdorimit të zgjatur

Rregulli Nr. 1 për "shëndetin" e pajisjes është që të mos përdoret vazhdimisht për më shumë se disa minuta. Kjo mund të "djegë" motorin nga mbinxehja. Në fakt, për ta "ndezur" përsëri duhet të prisni që motorri të ftohet.

Mëmyra më e sigurt, sigurisht, është të ndiqni udhëzimet e prodhuesit, i cili e di më mirë se kushdo tjetër "qëndrueshmërinë" e pajisjes së tij. Në udhëzues rekomandohet që disa përbërës mund të vendosen në blender për një afat kohor prej 40-60 sekondash, të cilat mund të përsëriten çdo 3 minuta. Modelet e tjera mund të funksionojnë normalisht deri në 2 minuta dhe duhet rreth 1 minutë që motorri i tyre të ftohet.

Bëni pushim pas çdo përdorimi të funksionit pulsues

Funksioni pulsues «lodh» edhe më shumë motorrin, duke shtuar mundësite e një dëmtimi më shpejtë për shkak të mbinxehjes. Prandaj, duhet ta përdorni disa herë për kohë me sekonda dhe jo për shumë gjatë, gjithashtu duhet të prisni për disa sekonda para se ta përdorni përsëri.

Shumë prodhues rekomandojnë që të përdorni funkionin pulsues për jo më shumë se 2-3 sekonda, dhe gjithashtu të prisni për 2-3 sekonda para se ta aktivizoni përsëri. 

Kushtojini vëmendje përbërësve që vendosni në gotë

Përveç blenderave që janë bërë posaçërisht për të përzier lëngje të nxehta (p.sh. supave), pjesa më e madhe e modeleve nuk i qëndrojnë temperaturave të larta. Në fakt, disa do të dëmtohen nëse shtoni përbërës me një temperaturë mbi 60 ° Celsius.

Gjithashtu është e rëndësishme që të mos vendosni kurrë vetëm ushqime të thata në enë (p.sh. arra), duke u siguruar që të ketë gjithmonë ujë ose ndonjë lëng tjetër. Gjithashtu, nuk duhet ta ndizni pajisjen kur gota është e zbrazët, ose përkundrazi të tejkaloni sasinë maksimale të përzierjes.

 Nëse thikat “ngjisin” duhet të veproni menjëherë

Në rast se thikat ndalojnë së rrotulluari, ose ngadalësohen, fikni menjëherë blenderin për të parandaluar dëmtimin e motorrit. Arsyeja më e mundshme është se ju keni vendosur shumë produkte në enë ose nuk i keni prerë ato në copa mjaft të vogla. Shkëputni pajisjen dhe hapeni për të reduktuar sasinë e përbërësve ose prerë ato në copa më të vogla.

 Mos e vendosni gotën në frigorifer

Në shumicën e blenderave, gota nuk ka për qëllim të marrë rolin e një ene magazinimi, për të ruajtur smoothiet ose supat që përgatitni në frigorifer. Nëse ushqimet e përgatitura ju mbeten shpesh dhe për disa orë, në temperatura të ulëta brenda në frigorifer, ka të ngjarë që gominat e thikave rrotulluese të konsumohen në mënyrë progresive.

Për të parë blenderat që Neptun ofron ju lutem të klikoni këtu.

Neptun! Jeto më mirë, çdo ditë.