E shpejtë, e saktë dhe inteligjente. Ju prezantojmë tharësen e flokëve Dyson Supersonic™

Tharëset e flokëve mund të jenë të rënda, të vështira për tu mbajtur në dorë dhe temperaturat e larta mund të dëmtojnë flokët. Kjo i bëri inxhinierët e Dyson të rimendojnë se si mund ta përmirësojnë tharësen e flokëve.

Tharësja e flokëve Dyson Supersonic™ me ajër të shpejtë por të përqendruar, është ndërtuar për një balancim më të mirë, ka shumë më pak zhurmë se tharëset e tjera dhe kontrollon në mënyrë inteligjente temperaturën duke mbrojtur flokun nga dëmtimi.

James Dyson: “Tharëset e flokëve mund të kenë peshë dhe të mos jenë efiçente. Duke i parë më nga afër ne kuptuam se ato mund të shkaktojnë edhe dëmtime të flokut për shkak të temperaturës së lartë. Për këtë arsye unë i paraqita një sfidë inxhinierëve në Dyson që të kuptojnë dinamikën e flokut dhe të zhvillojmë një version tonin për tharësen e flokëve e cila do t’i zgjidhte këto probleme”

Shkenca e flokut

Dyson ka investuar 50 milion paund për të zhvilluar Dyson Supersonic™ ku përfshihet edhe ndërtimi i një laboratori për studimin e shkencës së flokut. Inxhinierët e studiuan flokun nga rrënja deri në majë, për të kuptuar se si reagon ndaj faktorëve të ndryshëm dhe si mund ta mbajmë të shëndetshëm dhe ta stilojmë atë.

Për më shumë se 4 vite, ata testuan produktin e tyre në lloje të ndryshme flokësh dhe zhvilluan teste të cilat stimulojnë mënyra të ndryshme të tharjes së flokëve. Gjatë këtyre testimeve janë përdorur më shumë se 1010 km flokë natyral.

Motori brenda tharëses

Tharësja Dyson Supersonic™ ka motorin e patentuar digjital të Dyson V9, krijuar nga një skuadër prej 15 inxhinierësh pikërisht për kërë pajisje. Ky është motori digjital më i vogël, më i lehtë dhe më i avancuar i krijuar nga Dyson.

Ky motor është 8 herë më i shpejtë se motorat normalë të tharëseve dhe peshon sa gjysma e tyre. Për më tepër duke qënë se është ndërtuar për të qenë i fuqishëm por kompakt, ai është mjaftueshëm i vogël për tu vendosur jo tek koka e pajisjes por tek doreza.

Ndihmon për të ruajtur shkëlqimin natyral të flokut

Disa tharëse të zakonshme arrijnë temperature të larta sidomos kur mbahen afër flokut. Kjo mund të shkaktojë dëmtim të tij. Tharësja e flokëve Dyson Supersonic™ me kontroll inteligjent të nxehtësisë siguron që floku juaj të mos ekspozohet ndaj temperaturave të larta. Një termometër i posazëm prej kristali mat temperaturën 20 herë/sekond dhe ia transmeton këto të dhëna mikroprocesorit i cili kontrollon nxehtësinë.

E shpejtë dhe e saktë

Tharësja Dyson Supersonic™ përdor teknologjinë e patentuar të Dyson Air Multiplier™. Vëllimi i ajrit që hyn në motor amplifikohet tre herë duke prodhuar ajër me presion dhe shpejtësi super të lartë.

Tharëset tradicionale të flokëve mund të kenë trysni të ulet, pra janë të ngadalta dhe jo të fuqishme. Disa të tjera mund të kenë trysni të fuqishme por jo detyrimisht të kontrolluar. Tharësja Dyson Supersonic™ krijon një trysni të kontrolluar ajri me kënd 20 gradë për tharje dhe stilim të saktë. Pra ju siguron që në të njëjtën kohë edhe t’i thani edhe t’i stiloni flokët tuaj.

Inxhinieri akustike

Një skuadër inxhinierësh të Dyson u përpoq të kuptonte se si mund të optimizonte pjesën akustike të kësaj pajisje. Kështu ata përdorën një shtytës ajri me 13 tehe në vend të 11 që kanë tharëset normale dhe gjithashtu e vendosën atë brenda motorit të vogël të vendosur në dorezë duke e izoluar edhe më tepër me mbrojtje akustike. Në këtë mënyrë, ata arritën të ndërtonin një pajisje me shumë më pak zhurmë pa humbur cilësi dhe shpejtësi.

Të dhëna të tjera

Tharësja Dyson Supersonic™ ka katër nivele nxehtësie dhe 3 nivele shpejtësie trysnie ajri si dhe një trysni me ajër të ftohtë. Gjithashtu inxhinierët e Dyson kanë krijuar tre pjesë të ndryshme magnetike për të kontrolluar sa më mirë ajrin që del nga tharësja dhe për t’ju ndihmuar të krijoni stile të ndryshme të flokut tuaj.

Koka e lëmuar e than flokun butësisht me rryma ajri të mëdha duke ju ndihmuar të thani dhe të stiloni.

Difuzori është krijuar për të përhapur ajrin në mënyrë të njëtrajtshme përreth çdo kaçurreli. Duke stimuluar tharjen natyrale ai ndihmon në reduktimin e elektrizimit të flokëve dhe përmirëson pamjen finale.

Çdo aksesor pas përdorimit qëndron i ftohtë dhe jo i mbinxehur kjo falë teknologjisë të veçantë që karakterizon këtë tharëse, e cila bën të mundur që ajri i nxehtë të depërtojë përmes dy rrymave me ajër të ftohtë si një sanduiç, aksesorët mbeten gjithmonë të ftohtë.