Disa këshilla për të siguruar jetëgjatësinë e hekurit tuaj me avull
Hekuri me avull është një “aleati” juaj më i mirë në shtëpi për një hekurosje perfekte, higjenë maksimale për të gjitha veshjet në familje. Modelet më të fundit të këtyre hekurave vijnë me teknologji të avancuar dhe me materiale të cilat janë rezistente, e sigurojnë qëndrueshmërinë e tyre për shumë vite . Gjithsesi edhe këto modele hekurash kanë nevojë për trajtim që të sigurojmë jetëgjatësinë e tyre. Më poshtë do të gjeni disa këshilla të cilat do ju ndihmojnë të kujdeseni për hekurin tuaj dhe të shmangni problemet për të siguruar një jetëgjatësi të sigurt të tij.
Shmangni objektet metalike
Pllakat e modeleve të hekurave me avull janë mjaftueshëm të qëndrueshme ne shumicën e tyre, por për të shmangur çdo problematike duhet të shmangni objektet e forta të cilat mund ti shkaktojnë gërvishtje. Shmangni hekurosjen e zinxhirëve, butonave metalikë apo preçinave që mund të ndodhen në rrobat tuaja. Sigurohuni që hekuri të ketë gjithmonë sipërfaqe të lëmuar kur e prekni atë.
Kujdes ujin
Edhe pse shumica e modeleve të hekurave me avull mund të operojnë me uje rubineti, duhet të kini parasysh që në disa vende uji i rubinetit mund të jetë shumë i fortë dhe i pasur me kripëra të cilat shkaktojnë kalk në sasi të madhe. Për të shmangur ujin e fortë mund të përdorini ujë të distiluar ose të bëni deionizimin e tij duke përzjerë ujin e çezmës në raportin 50:50 me deionizuesin. Kujdes gjithashtu të mos shtoni asnjëherë substanca kimike apo aromatizues në ujin e hekurit.
Përdorni rregullisht funksionin pastrues të kalkut
Pastrimi nga kalku i krijuar nga kripërat e ujit është një kusht kryesor që hekuri juaj të qëndrojë në gjendje të mirë për shumë vite. Nëse hekuri ka mbledhur shumë kripëra dhe ju nuk e keni pastruar atëherë presioni i avullit do të bjerë dhe juve do t’ju duhet më shumë forcë dhe kohë për të kryer hekurosjen.
Në varësi të modelit të hekurit që keni, duhet të shikoni në manualin e tij se sa herë duhet të bëni pastrimin e kalkut, por gjithashtu duke llogaritur dhe shpeshtësinë e vënies së hekurit në punë gjatë një muaji.
Mos neglizhoni të pastroni pllakën
Nëse për arsye të ndryshme pllaka e hekurit ndotet atëherë ajo do të rrëshkasë mbi rroba apo edhe të ngjitet në to. Për ta parandaluar këtë duhet që me një pecetë të thatë pambuku ta pastroni atë, sigurisht kur është e ftohtë. Nuk këshillohet pastrimi me pastrues kimikë pasi ato do të shkatërrojnë veshjen e pllakës. Nëse për arsye të ndryshme ju ështe ngjitur një material në pllakë, mos përdorni avullin por fshijeni hekurin mbi një pecetë të trashë pambuku deri sa të largohet papastërtia.
Kujdes kabullin
Kur mbaroni punë dhe mblidhni kabullin sigurohuni që të bëhet mbledhja e tij sipas manualit. Nëse mbështjellja krijon tendosje atëherë kjo mund të shkaktojë shkëputjen e tij nga hekuri. Nëse vini re një gjë të tillë sigurohuni të mos e përdorni deri sa të jetë rregulluar.
Zgjidhni me kujdes tavolinën e hekurosjes.
Kur blini tavolinën e hekurosjes duhet të siguroheni që tavolina të jetë e qëndrueshme si edhe të ketë hapësirën për qëndrimin dhe peshën e hekurit tuaj.
Largoni ujin pas çdo përdorimi
Kur përfundoni proçesin e hekurosjes sigurohuni që gjithmoni të largoni ujin e mbetur në depozitën e hekurit. Hiqni ujin e mbetur pas çdo hekurosjeje, sigurohuni që të jetë 0 mbetja e ujit dhe qëndrimi i hekurit kur nuk përdoret duhet të jetë në pozicion vertical.