Neptun risjell Kampionatin Playstation në edicionin e tij të 4-t

Këtë fundjavë Neptun organizoi edicionin e 4-t të Kampionatit Playstation, FIFA22.

E-sports kanë marrë një zhvillim të ri në të gjithë botën dhe vendi ynë nuk mund të përjashtohet. Kjo u vërtetua më së miri edhe nga numri i madh i atyre që u regjistruan për të qënë pjesë e këtij kompeticioni.

Më shumë se 100 pjesëmarrës u bënë pjesë e garës, e cila u zhvillua në TEG dhe QTU në datat 18 dhe 19 Dhjetor në zonat e dedikuara të lojës. Këtë vit rezervuam edhe një surprizë pasi çmimi për fituesin e vendit të parë ishte i shumë-lakmuari Playstation 5. 

Rritja e numrit të pjesëmarrësve nga një vit në tjetrin tregon se komuniteti i e-players është duke u rritur. Lojrat elektronike tashmë ofrojnë një vend për të përjetuar emocione të forta, gëzimin e fitores apo hidhërimin e humbjes së ndeshjes në minutën e 90të. 

Neptun si kompania më e madhe e pajisjeve elektronike në vendin tonë është destinacioni i parë për këtë komunitet për të gjetur pajisjet e lojrat më të reja që markat e njohura si Sony, Nintendo apo Microsoft hedhin në treg. Por jo vetëm kaq. 

Për të gjithë konsumatorët, Neptun ofron eksperiencë. Në dyqanet tona çdo vizitor mund të ndihet si në shtëpi. Mund të provojë, të këshillohet dhe në fund të bëjë zgjedhjen e duhur për të jetuar më mirë, çdo ditë.