OptimalTEMP, teknologjia që do t’ju bëjë të hekurosni me dëshirë
Hekurosja nuk është një nga ato punë që bëhet me dëshirë – është një punë që të mundon, por që gjithashtu kërkon kujdes. Sa herë mund të ketë ndodhur që kemi djegur padashje një nga veshjet tona të preferuara, apo më keq të jemi djegur vetë. A nuk është gjithashtu e vërtetë, që kur kërkojmë të blejmë një veshje të re, kujdesemi që të jetë me material që hekuroset lehtësisht ose që nuk kërkon fare hekurosje?
Tani ka një mënyrë që hekurosja të mos jetë më një ngarkesë, por një punë që mund të sjellë kënaqësi. Hekurat OptimalTEMP të Philips, janë krijuar për rehati dhe lehtësi në përdorim pasi teknologjia e patentuar OptimalTEMP garanton 0 djegie në të gjitha copat të cilat mund të hekurosen.
Një shikim i shpejtë
Pajisja është e përbërë nga dy pjesë: hekuri, me peshë shumë të lehtë dhe baza e cila përmban edhe enën e ujit.
Ndryshe nga pajisjet e tjera të cilat ndizen direkt pas vendosjes në prizë, hekuri me kaldajë OptimalTEMP i Philips, ka një buton në pjesën e pasme i cili bën ndezjen dhe fikjen e pajisjes.
Për të kuptuar që pajisja është e ndezur, një dritë blu do të ndriçojë pjesën e butonit dhe të dorezës së hekurit. Pas ndezjes hekurosja mund të fillojë pas 2 minutash që i duhet për tu nxehur.
Butoni për avullin është në fund të dorezës (aty ky është tipikisht në të gjithë hekurat me kaldajë). Doreza ka një pjesë të valëzuar që bën përshatjen e dorezës me dorën për një kapje më të lehtë. Vetë hekuri është shumë i lehtë dhe kjo është një gjë shumë e mirë sidomos në rastet kur kemi një pirg të madh rrobash për të hekurosur.
Teknologjia inovatore e OptimalTEMP garanton 0 djegie
Ndryshe nga shumë hekura të tjerë, do të shikoni se hekurat OptimalTEMP të Philips nuk kanë rrotën e kontrollit të temperaturës. Kjo falë teknologjisë inovative, që përdor një procesor me kontroll automatik për të ngrohur avullin në temperaturën ideale që i duhet çdo lloji cope, duke garantuar në të njëjtën kohë 0 djegie.
Provoni të hekurosni me radhë një bluzë pambuku, më pas një xhaketë xhinsi shumë të trashë dhe më pas një këmishë mëndafshi. Do të shikoni se të treja veshjet do të hekurosen në mënyrë perfekte pa patur nevojë të ndërhyni manualisht në pajisje.
Provoni gjithashtu ta vendosni hekurin e nxehur mbi veshje për një kohë të gjatë. Do të shikoni që copa jo vetëm që nuk do digjet, por nuk do të ketë as edhe një njollë apo ngjyrim. Dhe për një mbrojtje më tepër, ky hekur ka edhe një funksion vetë-fikje i cili eleminon çdo shqetësim nëse mund të keni lënë hekurin ndezur, kur dilni nga shtëpia.
Hekur me avull të fuqishëm që hekuros në mënyrë perfekte
Një nga gjërat që shkakton lodhje gjatë hekurosjes është kalimi disa herë kur hasim në rrudha të thella apo kur copa ëshë e trashë apo kur hekuri nuk ka avull mjaftueshëm. Hekuri me kaldajë OptimalTEMP i Philips i zgjidh të gjitha këto probleme dhe shkon edhe më tej për ta bërë hekurosjen një punë të lehtë dhe që kryhet për pak kohë.
Në rastet tipike, një hekur i mirë me avull ka presion që varion nga 6-6.5 bar. Sa më i madh presioni aq më thellë në copë hyn avulli duke siguruar hekurosjen e rrudhave më të thella. Hekuri me kaldajë OptimalTEMP (psh modeli GC9660/30) ka një maksimum presioni prej 7.5 bar i cili mundëson hekurosjen e çdo lloj rrudhe nga çdo lloj cope me vetëm një kalim.
Sasia e avullit është po ashtu e madhe dhe lëshon 120g/min deri në 520g shfryrje avulli duke siguruar një sasi të mjaftueshme avulli.
Përdorimi
Përveç tipareve të hekurave OptimalTEMP, tërësisht inovative, hekurosja bëhet edhe më e lehtë falë pllakës së avancuar, një zgjidhje që siguron eficencë në hekurosje pavarsisht llojit të copës, duke siguruar rrëshqitje të lëmuar në çdo rast.
Nëse po mendoni se gjithë ajo sasi avulli do të shkaktojë zhurmë, ky nuk është rasti. Ju mund të hekurosni duke parë filmin tuaj të preferuar ose edhe duke bërë një telefonatë të gjatë.
Le të flasim pak edhe për skorjet. Sistemi i pastrimit De-Calc është një sistem i cili grumbullon skorjet gjatë punës dhe është i pajisur me një tregues me dritë i cili ndizet kur vjen momenti për ta zbrazur.
Ena me kapacitet 1.8L është transparente për të parë në çdo moment sasinë e ujit, është e lehtë për tu hequr dhe rivendosur dhe lejon deri në 2 orë hekurosje të pandërprerë. Edhe për këtë ka një tregues me ndriçim i cili lajmëron kur ena duhet të rimbushet.
Pse duhet të keni në shtëpi një hekur OptimalTEMP të Philips?
Hekurat OptimalTEMP të Philips do të tejkalojnë pritshmëritë tuaja dhe janë një zgjidhje për shumë nga problemet që shumëkush has sot gjatë hekurosjes. Përveç faktit që garanton 0 djegie, ky hekur siguron rehati dhe lehtësi, duke i dhënë rëndësi edhe detajeve, duke ofruar një pamje dhe dizajn të bukur dhe elegant.
Vizitoni dyqanet tona për t’i parë nga afër ose lundroni në faqen tonë të internetit për të parë modelet të cilat vijnë me ofertë 20% Ulje dhe 60 ditë periudhë prove deri në datën 30 Prill.