KUSHTET DHE AFATET E PERGJITHSHME TE “PROMOVIMIT TË SAMSUNG GALAXY A53 5G”
Përpara se të blini një Samsung Galaxy A53 5G, ju lutem lexoni Kushtet dhe Afatet e Promovimit (në vijim referuar si “Rregullat”):
Blerja e pajisjes Samsung Galaxy A53 5G mund të kryhet pranë partnerëve të shitjes së Samsung të listuar në pikën 6 të këtyre Rregullave, me kusht përmbushjen në mënyrë kumulative të të gjitha kushteve vijuese: a. Blerësi blen një pajisje Samsung Galaxy A53 5G gjatë periudhës së promovimit; b. Pajisja blihet pranë partnerit të autorizuar të shitjeve të Samsung në territorin e Republikës së Shqipërisë; Lista e partnerëve të autorizuar përcaktohet në pikën 6 të këtyre Rregullave; c. Blerësi blen pajisjen si përdorues fundor; Përdoruesit fundor janë personat fizik ose juridik në territorin e Republikës së Shqipërisë të cilët kanë blerë pajisjen për qëllimet e tyre vetjake dhe jo me qëllim porositjen apo shpërndarjen e mëtejshme; d. Pajisjen e blerë, përdoruesi e regjistron në faqen kushtet dhe afatet e promocionit deri në datën 15.05.2022, në përputhje me pikën 4 të këtyre Rregullave.