Si mund ta përdorni blenderin tuaj të dorës Bosch për receta të shijshme dhe të shpejta
Sapo patë blenderin e dorës Bosch në broshurën e fundit të Neptun dhe po mendoni nëse duhet ta merrni apo jo?
Përveç faktit që mund ta përfitoni me çmim shumë të mirë (oferta vlen vetëm për pak ditë), ne po ju sjellim edhe disa receta të cilat do të realizohen në kohë super të shpejtë vetëm falë këtij blenderi dore.
Ju mbase e keni tashmë një blender në shtëpi dhe po mendoni se pse duhet të merrni dhe një blender dore. Është shumë e thjeshtë: sepse është efikas, zë shumë pak vend dhe ju mund ta përdorni atë në enën ku po gatuani, pa patur nevojë të transferoni përbërësit nga ena për në blender. Dhe sigurisht që pastrohet shumë lehtë.
Kur ta keni në dorë, asgjë nuk do t’ju pengojë që të jeni kreativë në kuzhinë.
Pure Lulelakre kremoze dhe plot shije
Provoni të gatuani lulelakren e zierë në lëng perimesh apo pule, me gjalpë dhe erza aromatike. Do të merrni një pure shumë të shijshme për ta shërbyer së bashku me pulën e pjekur në furrë.
Përbërësit: 2 lugë gjalpë, 1 kokërr e madhe qepe, 4 thelpinj hudhër, 1 kg lulelakër e prerë në copa, 2 filxhanë lëng perimesh ose pule, 1 tufë me trumzë dhe kripë.
Grijmë qepën dhe hudhrat dhe i skuqim në një tenxhere ku kemi hedhur gjalpin. Shtojmë lulelakrën, lëngun e perimeve ose pulës dhe e lëmë të ziejë në temperaturë të ulët deri sa lulelakra të zbutet. E grijmë me blenderin e dorës Bosch deri sa të arrijë teksturën e duhur dhe e shërbejmë me pulë të pjekur mirë.
“Salsa rossa” italiane me domate dhe speca të kuq të pjekur
Kjo salcë me ngjyrë portokalli të ndezur është perfekte për të shoqëruar mishin e zier por edhe për të lyer sanduiçin tuaj.
Përbërësit: 20 gram bukë e bardhë ose fshati, 1 lugë uthull e bardhë, 1 spec madh I kuq, 3 lugë të mëdha vaj ulliri, 1 karrotë mesatare, 3 thelpinj hudhër të grirë, 400 gr domate pa lëkurë, 30 gram parmigiano reggiano, kripë.
Në një tas vendosim buken (vetem tulin) me uthullën e bardhë dhe e lëmë mënjanë. Pjekim specin e kuq, i heqim lëkurën dhe e presim në copa. Në një tigan nxehim një lugë vaj ulliri dhe shtojmë karrotën dhe hudhrën e prerë në copa të vogla dhe e përzjejmë për 5 minuta. Më pas shtojmë domatet dhe specin dhe e lëmë edhe dy minuta pasi fillon të ziejë. Shtojmë bukën e lagur me uthull dhe e bëjmë pure me anë të blanderit të dorës Bosch. Në fund shtojmë vajin e mbetur dhe kripën. Shërbehet në temperaturë ambjenti.
“Pure molle” për të lëpirë gishtat
Dhe për ta mbyllur si gjithmonë ju sugjerojmë një gatim të ëmbël, me fruta dhe aroma të mrekullueshme.
Përbërësit: 1.8 Kg mollë, 100 gram sheqer të zi (ose edhe normal), gjysëm luge kripë, 2 lugë gjelle uthull molle, pak lëkurë portokalli, 1 shkop kanelle.
Pasi i kemi larë mirë, i presim mollët në copa duke hequr pjesën e qëndrës por jo lëkurën. i hedhim mollët në një tenxhere dhe shtojmë në të të gjithë përbërësit e tjerë. i përziejmë mirë dhe I vendosim në zjarr në tempëraturë mesatare dhe I lëmë të ziejnë në lëngun e vet rreth 15 minuta deri sa mollët të zbuten. Nëse ku process është i ngadaltë mund të shtoni temperaturën. Pasi mollët janë zbutur sa priten me pirun largoni lëkurën e portokallit dhe shkpin e kanellës dhe përdorni direkt në tenxhere blenderin e dorës Bosch për ta kthyer në pure. Hidheni purenë në tasa qelqi dhe mund ti ruani në frigorifer deri në 3 javë.
