Kuzhina mbetet zemra e shtëpisë. Vendi ku mblidhet familja për të shijuar vaktet e shijshme, ku provohen recetat e reja apo edhe thjesht vendi ku vendosim të kalojmë kur nuk kemi ç’të bëjmë.
E pra është e rëndësishme që të mendoni mirë se çfarë kërkoni nga kuzhina juaj para se të niseni e të blini pajisjet që janë të duhurat për ju. Edhe pse dizajni tërheqës është një nga aspektet kryesore që krijojnë atmosferën në kuzhinë, është e rëndësishme që të thellohemi pak më shumë për të zgjedhur pajisjen e duhur që do ti përshtatet më mirë stilit tuaj të jetesës.
FURRAT
Pavarsisht nëse keni një familje të madhe për të ushqyer apo jeni të apasionuar pas kuzhinës dhe pëlqeni të eksperimentoni me receta të reja, furra mbetet pajisja tek e cila do të mbështeteni më tepër.
Kështu, ju duhet të zgjidhni furrën që i përshtatet më mirë gatimeve tuaja në kuzhinë.
Dëshiron të gatuash një biftek të pjekur në mënyrë të përsosur? Pica? Byrek? Embëlsirë? Koha në dispozicion është e shkurtër? Furra juaj duhet të jetë fleksibël po aq sa edhe ju. Kështu ju mund të zgjidhni një model që ka edhe mikrovalë të integruar, një furrë që mund të pjekë dy gatime në të njëjtën kohë, por ka edhe nga ato që kanë një sirtar të veçantë ku ushqimi mund të qëndrojë i ngrohtë. Tiparet që ofrojnë furrat sot janë të shumëllojshme kështu që mjafton të pyesni pak më shumë dhe do të gjeni pikërisht atë që bën për ju.
SUPRINAT
Në vitet e fundit, teknologjia ka bërë hapa gjigandë përsa i përket suprinave të gatimit dhe ka sjellë modelet e qeramikës dhe ato me induksion të cilat janë më të lehta në përdorim dhe pastrim, duke lënë pas pllakat elektrike dhe ato me gaz.
Këto modele të reja suprinash, janë jo vetëm të bukura për tu parë me sipërfaqet e tyre të shkëlqyeshme por edhe të lehta për tu pastruar. Në suprinat e qeramikës elementët e nxehjes janë të vendosur poshtë sipërfaqes prej xhami dhe nxehtësia transmetohet tek unaza përkatëse sipas komandës. Edhe suprinat me induksion kanë një sipërfaqe të lëmuar dhe shumë rezistente ndaj përdorimit por ato nxehen vetëm kur bien në kontakt me një material me përmbajtje hekuri.
Kjo i bën suprinat me induksion shumë më të sigurta, sidomos për familje që kanë fëmijë të vegjël. Por nëse blini një suprinë të tillë duhet të keni parasysh që duhet të ndërroni të gjithë setet e tiganëve dhe tenxhereve nëse ato që keni nuk janë me përbërje hekuri.
Përveçse kanë pamje me linja elegante dhe shumë tërheqëse, suprinat me induksion janë edhe shumë efiçente përsa i përket kursimit të energjisë elektrike.
FRIGORIFERI
Një frigorifer që siguron freski të produkteve për një kohë të gjatë është çka ju duhet nëse preferoni të bëni pazarin rrallë dhe frigoriferi juaj është gjithmonë plot me ushqime.
Kështu kur shkoni të blini një frigorifer kërkoni ata që kanë opsione të tilla si EverFresh+® ose NeoFrost™ apo Dual Cooling. Kërkoni gjithashtu një model i cili i ka rafte të lëvizshme, kështu që ju mund të ruani çdo gjë, që nga produktet e freskëta ashtu edhe pjata të gatuara që t’i keni gati për të gjithë javën. Për ujë të freskët dhe akull në çdo kohë mund të zgjidhni modelet me depozitë uji dhe akulli të integruara.
Po pse të ndaleni këtu? Kërkoni për opsione ekstra edhe për kompresorët në mënyrë që të merrni atë që bën më pak zhurmë, ato që kanë garanci afatgjatë që ju të jeni të sigurtë në blerjet tuaja.
LAVASTOVILJE
Gjëja e fundit që do të bësh pasi ke pregatitur dhe ndarë një vakt të shijshëm me familjen është të lash enët. Bëj një investim të mirë dhe bli një lavastovilje që të jetë efiçente dhe në këtë mënyrë do të kurseni kohë por do të shmangni edhe zënkat me partnerin se kush duhet t’i lajë enët.
Enët që përdoren në kuzhinë janë të ndryshme në madhësi dhe materiale prandaj kujdesuni që lavastovilja që zgjidhni të jetë po aq fleksibël sa edhe mënyra juaj e të gatuarit, me hapsira dhe programe të ndryshme që i përshtaten nevojave tuaja.
Kërko një lavastovilje e cila ka funksione që do t’ju bëjnë të kurseni kohë, para dhe energji dhe që gjithashtu të respektojë mjedisin. Dhe ka akoma më shumë. E përse mos të zgjedhësh një lavastovilje e cila ka edhe teknologjinë që eleminon aromat dhe ul zhurmën ndjeshëm?
Pajisjet elektroshtëpiake që ofrohen sot kanë vërtetë shumë opsione kështu që ju jeni të lirë të zgjidhni ato që i përshtaten më mirë stilit tuaj të veçantë të jetesës.
Eja në NEPTUN dhe zbulo gamën më të gjerë të elektroshtëpiakeve nga markat më të mirënjohura botërore. Mos ngurroni të pyesni personelin tonë të shitjes për të kuptuar se cila pajisje është ajo më e përshtatshmja për ju.