Të gatuash me fëmijet
Gatimi është një proçes që kërkon kohë dhe sigurisht duhet të mendojmë se si të gatuajmë vakte të shëndetshme për familjen. Në këtë periudhë kur të gjithë jemi bashkë gatimi mund të jetë një arsye për të kaluar kohë krijuese në kuzhinë bashkë me famijët.
Qëndrimi në shtëpi së bashku na jep atë kohën që gjithmonë kemi lakmuar të kemi, për të bërë atë që dëshirojmë në shtëpi, duke i kushtuar kohë fëmijeve si edhe duke i përfshirë edhe ata në këtë proçes të jeteses në familje. Kjo është pikërisht koha kur ne mundemi të kalojmë kohë cilësore me fëmijet dhe ti përfshijmë edhe ata duke gatuar sëbashku.
Cilat janë përfitimet nga ky proces.
1- Fëmija familjarizohet me gatimin por njëkohësisht mëson edhe se cilët janë përbërësit para gatimit. Mëson frutat e perimet e sezonit, zbulojnë shijen, formën dhe erën e tyre natyrale. Nën mbikqyrjen tuaj ata mund ti prekin, ti nuhatin ,ti lajnë, ti pastrojnë, ti presin dhe ti shijojnë .
2- Nëpërmjet këtij proçesi ka shumë mundësi që ata të fillojnë të hanë ushqimet që mëparë refuzonin dhe kjo vetëm sepse ata ishin pjesë e këtij proçesi, të pregatitjes së ushqimit. Në fund të fundit kush nuk do të hajë ushqimin që vetë ka pregatitur.
3- Gatimi do të shërbejë dhe si një bazë e shëndetshme për ndërtimin e personalitetit të tyre.Këto njohuri do i ndihmojnë jo vetëm të jenë të dobishëm por edhe të jenë të pavarur në zhvillimin e tyre të mëvonshëm.
4- Të mësojnë si të gatuajnë do i ndihmojë në të ardhmen të zgjedhin një diete të mirë ushqimore në të ardhmen.
5- Fëmijet ndjehen jashtëzakonisht të kënaqur sepse kuptojnë që marrin mbështetjen dhe besimin e prindërve si dhe kënaqësinë e dhënies dhe ndarjes.
6- Ndërsa lexojnë recetën e gatimit, ata mësojnë të ndjekin udhëzimet hap pas hapi, bëjnë llogaritje, vlerësojne më mirë kohën , fitojnë besim dhe vlerësojnë aftësite e tyre.
7- Kur gatuajmë së bashku femijët kuptojnë rëndësinë e pastrimit të duarve, të sipërfaqes së pregatitjes së ushqimit si dhe mirëmbajtjen e mjeteve të gatimit pasi do të ripërdoren në gatimin e ardhëshm,mësime këto që do të ndikojnë shumë në formimin dhe jetën e tyre në të ardhmen.
Fillimi mbarë është gjysma e punës dhe kjo shprehje është më se e përshtatshme në këtë rast.
Mëngjesi mund të jetë vakti nga i cili ju mund të filloni të eksperimentoni me fëmijët tuaj në kuzhinë. Pregatitja e mëngjesit bashkarisht duke i lënë fëmijët të vendosin vetë se çfarë duan të gatuajnë do të ndikojë në rritjen e oreksit dhe dëshirës.
Disa ide se çfarë mund të pregatitni janë:
Smoothie - Fëmijët mund të kryejnë larjen e ftutave, copëtimin e tyre, përzgjedhjen e frutave apo perimeve që duan të pregatitin dhe hedhjen e tyre në blender. Do jenë femijet që do të zgjedhin se me çfarë do e shoqërojnë lëngun e pregatitur të cilat mund të jenë qumështi, kosi, tërshëra, biskotat, arrat, patate çokollatë apo mjaltë.
Petullat - Fëmijët hedhin vëtë përbërësit për përgatitjen e brumit nën mbikqyrjen tuaj dhe mesojnë të pjekin vetë petullat. Do jenë ata që do vendosin se me çfarë do i shoqërojnë petullat.
Shtrimi i tavolinës- Duke i dhënë mbulesën, lugë piruna dhe gota fëmijët do kryejnë vetë vendosjen e tyre sipas mënyrës që ata dëshirojnë.
Zjerija e vezëve- Edhe fëmijët mund të zjejnë vezët, ata mund ti vendosin vetë vezët në zjerësen e vezëve apo edhe në një tenxhere me uje dhe t’u shpjegohet që do i lënë të ziejnë për 6 minuta.
Çfarë do të bëjme më pas?
*Për pjesën tjetër të ditës vaktet si dreka e darka, ideale do të ishte të pyesni fëmijët tuaj se çfarë ata duan të hanë dhe të merrni vëmendjen e fëmijëve që të jenë të zënë gjatë gjithë proçesit.
*U mësojmë fëmijëve tanë se si të mësojnë të përdorin disa pajisje si thika, blender apo tosteri.
*U shpjegojmë fëmijeve rreziqet me të cilat mund të përballemi gjatë gatimit të cilat vlejnë edhe për prindërit si djegia nga zjarri, prerja nga pajisjet e mprehta, dhe se si duhet ti përdorim pa rrezikuar.
*Përpiqemi të jemi të sinqertë me fëmijët, nuk i largojmë nga kuzhina por i mbajmë të zënë deri sa të përfundojmë prerjen me thikë apo nxehjen e ujit, nëse i largojmë gjatë përdorimit ne marrim efektin e kundërt të asaj që duam.
*U japim mundësinë të pregatitin ata vetë sallatën, tostin, orizin, apo biskotat