Le ti shtojmë ngjyrat vjeshtës me disa sugjerime filmash Pixar!
Disa nga filmat që na kanë rrëmbyer zemrat, na kanë bërë të qajmë dhe të qeshim vijnë të klasifikuar për tw kaluar pak kohë bashkë më familjen këtë fundjavë vjeshte.
Përmes personazheve shumëngjyrësh dhe lodrave të antropomorfizuara, makinave, kafshëve dhe robotëve, kineastët Pixar kanë eksploruar luftën tonë me tragjedinë, humbjen dhe pikëllimin, si dhe rëndësinë e dashurisë, familjes dhe miqësisë. Këta filma janë bërë pjesë e peizazhit tonë kulturor, duke frymëzuar bloge të panumërta dhe klube fansash. Argëtimi dhe koha cilësore këtë herë vijnë së bashku.
Kur bëhet fjalë për animacionin dhe motion stories, Pixar bën dallimin. Që nga publikimi i Toy Story në 1995, filmi i parë i animuar kompjuterik me metrazh të gjatë në botë, Pixar ka zhvilluar një mori filmash që ndikojnë në përvojën njerëzore në mënyrat më të papritura. Toy Story mbetet filmi epik i animuar nga Pixar dhe të gjithë jemi ndjerë të lumtur nga zëri i Tom Hanks teksa portretizonte sherifin Woody perkrahë Buzz-it. Ndërkohë që as publikimet e filmave më të rinj nuk mbeten pas përkundrazi cilësia rritet dhe po ashtu rëndësia e mesazheve që ato përcjellin.
Seria e filmave “Cars” me karakteret karizmatik dhe të veçantë padyshim kanë nxitur pasionin për makinat dhe garat në shpirtin e fëmijëve të brezave të atëhershëm që kanë vazhduar të mbeten besnik ndaj tij. Shpejtësia dhe adrenalina të ndërthurura me temat që përfshijnë modestinë dhe integritetin në testim nga disa stereotipe racore/etnike. Rrufeja(Lightning) mëson rëndësinë e vlerësimit të dallimeve tek të gjithë. Makina bie nga kamioni i tij i transportit, përballet me "bandën" e makinave dhe aty njeh një realitet komplet tjetër. Pas dështimit vendos të kthehet në pjesën e periferisë ku shumë kujtime të fëmijërisë i rikthehen së bashku me botëkuptime të reja mbi jetën. Këto seri filmash janë një opsion ideal për fëmijët dhe gjithë familjen.
Një nga të preferuarit mbetet i famshmi Ratatouille që eksploron njw nga pasionet mw tw dashura: Gatimin. Të gjithë kemi ndjerë neps dhe uri të paparë teksa ndiqnim minutat e atij filmi plot ngjyra,mesazhe të forta dhe romancë franceze. Filmi flet për Remy-n një mi të apasionuar pas gatimit i cili i vjen në ndihmë një djali të ri ndihmës shef (Linguini). Puna e tyre së bashku i kthen lavdinë restorantit dhe së bashku ata kalojnë aventurë pas aventure ndërthurur me karaktere të tjerë që mbetet për ju për t’i zbuluar. Me kalimin e viteve cilësia e filmave të Pixar ka ardhur duke u përmirësuar dhe kjo është e dukshme.
“Finding Nemo” (Në kërkim të Nemos) i pasuar me vonë me “Finding Dory” (Duke gjetur Dorin) pa asnjë dyshim janë kryevepra tjetër nga kjo kompani filmash. Dashuria për fëmijën, ndjenja e familjes,vullneti për të qenë pranë të dashurve tanë, vlera e një miku dhe puna në skuadër janë disa nga mesazhet e pazëvendësueshme që kanë ushqyer breza fëmijësh dhe të rriturisht teksa gjithë ankth jemi bërë dhe ne pjesë e këtyre aventurave nënujore. Frazat e paharrueshme të karaktereve ende e ruajnë ngjyrën si biseda nostalgjike dhe hokatare mes njerëzish. Zëri i Ellen DeGeneres është një perlë e filmit që i shkon për shtat personazhit të saj optimist plot defekte dhe shumë dashuri për miqtë dhe të panjohurit. Është pikërisht ky karakter miks i saj që fut gjithë miqtë në Aventura pafund përgjatë gjithë minutave të filmit.
Ndërkohë filmi më i ri “Luca” ishte një sensacion ngjyrash dhe aventure përgjatë brigjeve të bukura të tokës italiane. Filmi "Luca" është një histori për të gjitha moshat që flet për një djalë të ri i cili përjeton një verë të paharrueshme të mbushur me “gelato”, pasta dhe udhëtime pafund me skuter. Luca i ndan këto aventura me mikun e tij më të mirë të sapo gjetur Alberto, por i gjithë argëtimi kërcënohet nga një sekret i mbajtur thellë: ata janë përbindësha deti nga një botë tjetër pak nën sipërfaqen e ujit. Brenda një subjekti të tillë, personazhet mësojnë të duan dhe njohin veten, vlerat e miqësisë dhe solidaritetit.
Qershia për në fund; Soul, filmi që arriti të rrëmbejë çmimin e kategorisë së tij si filmi më i mirë i animuar i vitit në festivalin e Oscar 2020. Gjithashtu ky punim rrëmbeu çmimin për muzikën më të mirë dhe shumë çmime të tjerë në festivalet më me emër.Filmi “Soul” i Pixar ka të bëjë me një pianist xhazi i cili ka një përvojë pranë vdekjes dhe ngec në jetën e përtejme, duke menduar për zgjedhjet e tij dhe duke u penduar për ekzistencën që ai e merrte si të mirëqenë. Filmi trajton në minutazhin e tij një rrugëtim “purgatori” përgjatë të cilit pianisti reflekton për jeten e tij dhe mesazhi është që në jetë çdo sekondë vlen dhe duhet shijuar si të ishte e fundit.
Në fund të gjithçkaje të gjithë mbetemi fëmijë brenda vetes me dëshirën për të mos u rritur kurrë. Nuk ka më mirë se një film i animuar në prezencën e gjithë familjes për të shiijuar momentet që rrjedhin ngadalë dhe me ëmbëlsi.
Dhurojani vetes suaj një fundjavë të lumtur dhe mos harroni që mund të përjetoni nje eksperiencë si në kinema me modelet e fundit të televizorëve nga markat e njohura Sony, LG, Samsung, Grundig etj.
Vetëm gjatë muajit tetor kemi një ofertë fantastike për televizorët e markave Samsung dhe LG.
Samsung ju ofron ulje më të madhe për ekranet më të mëdha kurse LG ka uljen më të madhe për televizorët me teknologji më të avancuar.
Zbuloni ofertat këtu për TV Samsung dhe këtu për TV LG