Ul faturën e ujit dhe të energjisë elektrike me një vendim të thjeshtë
A e dije se mund të kursesh 286KW energji elektrike dhe 19,430 litra ujë në një vit vetëm duke përdorur lavastoviljen?
A është më mirë të përdorni lavastovilje apo t’i lani enët me dorë?
Për t’ju ofruar një përgjigje të mirëargumentuar fillimisht duhet të përmendim elementet që përfshin procesi i larjes së enëve:
Paneti dhe mjedisi, enët tuaja dhe portofoli juaj.
Konsumi i energjisë dhe i ujit është i lidhur drejtpërdrejtë me burimet energjitike të planetit dhe sipas disa studiuesve të Universitetit të Miçiganit të cilët kanë testuar përfundimet edhe të shumë studimeve të tjera, lavastoviljet janë më efikase në krahasim me larjen me duar të enëve, pasi përdorin më pak ujë dhe konsumojnë më pak energji.
Standartet gjithnjë në rritje i kanë bërë lavastoviljet më efikase në përdorimin e energjisë dhe ujit. Edhe pse pompa e riciklimit e lavastoviljes spërkat vazhdimisht ujë, ajo përdor më pak se 3.7 litra ujë për larje. Kjo pasi uji ripërdoret gjatë gjithë procesit të pastrimit. Uji i paster përdoret vetëm në fillim dhe në shpëlarjen përfundimtare. Gjatë larjes, uji filtrohet dhe nxehet për pastrim maksimal.
Teknologjitë më në zë, siç është edhe Motorri ProSmart Inverter pa furça i firmës Beko, ka një efikasitet edhe më të lartë të përdorimit të energjisë pasi përzgjedh shpejtësinë optimale të rrotullimit që nevojitet.
Nga ana tjetër larja me dorë e enëve për një familje me 4 persona kërkon deri në 100 litra konsum të ujit, ndërkohë që e njëjta sasi me lavastovilje mund të lahet duke përdorur 10 herë me pak sasi uji. Sipas Këshillit të Mbrojtjes së Burimeve Natyrore, një lavastovilje me energji efikase mund të kursejë pothuajse 19 mijë litra ujë në vit, krahasuar me konsumin e ujit kur enët lahen me dorë.
Në një diskutim të tij rreth zgjedhjeve që janë miqësore për mjedisin, arkitekti Colin Cathcart, nga Universiteti Fordham i New York, na kujtoi një fenomen që të gjithë e bëjmë por qe nuk i japim shumë rëndësi: "Në përgjithësi, njerëzit nuk janë efikasë ne larjen e pjatave dhe enëve. Kur e lini rubinetin hapur dhe uji rrjedh ndërkohë që ju kaloni enët për tu larë dhe shplarë dhe kjo është sigurisht mënyra e gabuar pasi kemi nje shpërdorim shumë të madh të ujit të ftohtë dhe të ngrohtë por edhe të energjisë elektrike për të ngrohur ujin."
Edhe pse për disa mund të jetë e vështirë të besohet, një lavastovilje edhe pse punon me energji elektrike është një zgjedhje më e gjelbërt sesa larja e enëve me duar.
Nëse po përpiqeni të kurseni para ose ujë dhe energji duke zgjedhur ti lani enët me dorë në vend që të përdorni makinën larëse të enëve, dijeni se po bëni komplet të kundërtën!